បញ្ហាក្បត់ចិត្ត

ពេលរៀបការជាគូស្វាមីភរិយាហើយ គ្មាននរណាម្នាក់ដែលមិនចង់អោយ
ដំនើរជីវិតគ្រួសារថ្មីប្រព្រឹត្តទៅយ៉ាងមានសេចក្តីសុខ សិ្ថតស្ថេរអស់មួយជីវិតនោះទេ។ ប៉ុន្តែស្វាមីភរិយាខ្លះបានភ្លេចខ្លួនដោយគេភ្លេចគិតថាក្តីសុខដែលទទួលបានពីការក្បត់ចិត្តវាគ្រាន់តែក្តីសុខបណ្ដោះអាសន្នតែប៉ុននោះ។ ចំណែកឯក្តីទុក្ខនោះវានឹងស្ថិតនៅជាមួយគេអស់មួយជីវិតដូចជា ក្តីស្នេហ៍ដែលធ្លាប់ផ្អែមល្ហែមក្លាយជាល្វីងជូរចត់ កើតមានការឈ្លោះប្រកែកគ្នា មិនមានការយោគយល់គ្នា មិនទុកចិត្តគ្នា ហើយពិបាកនឹងល្អជាមួយគ្នាវិញណាស់។ បើសិនមានកូនអាចនឹងធ្វើអោយកូនមិនគោរពរាប់អានជាឪពុកឬជាម្ដាយ។


មូលហេតុដែលនាំអោយមានការក្បត់ចិត្ត


-មានអាយុខុសប្លែកគ្នាច្រើនហួសពេកដែលធ្វើអោយមានទស្សនៈ មានការយល់ឃើញខុសប្លែកគ្នាឬមិនចុះសម្រុងនឹងគ្នា។


-វប្បធម៌ផ្សេងគ្នា ជនជាតិផ្សេងគ្នា កាន់សាសនាផ្សេងគ្នាដែលជាហេតុធ្វើអោយសម្របខ្លួនរកគ្នាមិនបាន។


-ការមិនសមល្មមនឹងគ្នាទាក់ទងនឹងសេចក្តីត្រូវការខាងផ្លូវភេទ ដោយមិនមានអតុល្យភាពក្នុងការបំពេញសេចក្តីត្រូវការដល់គ្នា។


-ការមិនមានកូនសម្រាប់បន្តវង្សត្រកូលដែលធ្វើអោយខ្វះចំនងចងចិត្ត។


-មានបញ្ហាសេដ្ឋកិច្ចគ្រួសារ ចំណូលមិនគ្រប់គ្រាន់នឹងចំនាយ


-មូលដ្ឋានអារម្មណ៍មិនមានស្ថេរភាព ឆាប់ធុញទ្រាន់ ខ្វះការពិនិត្យខ្លួនឯង


អាត្មានិយម ពេលមានបញ្ហាតែបន្ទោសអ្នកដទៃ។


-ភ្លាត់សតិ ដូចជាពេលកំពុងស្រវឹងសុរាឬភាគីណាមួយកំពុងមានចិត្តមិនប្រក្រតី។


-ជាមនុស្សមានចំនុចខ្សោយដែលបណ្ដាលមកពីគ្រួសារមានបញ្ហា ទើបត្រូរ


ការជំនួសនូវអ្វីដែលខ្លួនធ្លាប់ខ្វះពីមុនមក ហើយចង់បង្ហាញថា ខ្លួនលេចធ្លោជាងអ្នកដទៃ់ ដើម្បីបិទបាំងចំនុចខ្សោយរបស់ខ្លួន។


ទិសដៅការពារនិងដោះស្រាយបញ្ហាក្បត់ចិត្ត


-ការជ្រើសរើសគូគ្រងគួររំពឹងគិតដល់ភាពសមនឹងគ្នាលើផ្នែកផ្សេងៗ មានដូចជា វ័យ ទស្សនៈ កម្រិតវប្បធម៌ និងប្រវត្តិគ្រួសារដែលប្រហាក់ប្រហែលគ្នា។


-បើអាចធ្វើទៅបានគួជ្រើសយកសាសនានិងជនជាតិដូចគ្នាជៀសវាងការមិនចុះសម្រុង។


-ពេលមានបញ្ហាគួរជួបពិភាក្សាគ្នា ដូចជា បញ្ហាសម្របខ្លួនខាងផ្លូវភេទ បញ្ហាសុខភាពដើម្បីត្រៀមមានកូនតាមស្ថានភាពសមរម្យ។


-ពិនិត្យកំហុសឆ្គងនិងកង្វះខាតរបស់ខ្លួន មិនរឹងរូស មិនឆេវឆាវ កាត់បន្ថយការមិនទុកចិត្តគ្នា មិនគួរប្រកាន់ភ្ជាប់អ្វីមួយខ្លាំងពេកទេ។


-គួរយកចិត្តទុកដាក់លើខ្លួនឯងនិងគូគ្រងអោយបានច្រើន។


-គួរចេះសុំយោបល់ពីចាស់ទុំ​ ឬឪពុកម្តាយរបស់ភាគីនីមួយៗ។


ដូចនេះដើម្បីមិនអោយមានកើតបញ្ហក្បត់ចិត្ត គួរប្រមើលមើលខ្លួនឯងជាញឹកញយ ព្យាយាមយកចិត្តទុកដាក់នឹងគូគ្រងរបស់ខ្លួនអោយបានច្រើនឡើង ព្រមទាំងព្យាយាមដោះស្រាយផ្សេងៗ អោយបានច្រើនបំផុតតាមដែលអាចធ្វើទៅបាន ដើម្បីធ្វើដំនើរជីវិតគ្រួសារថ្មីស្ថិតនៅសាន្តបានយូរអង្វែងតរៀងទៅ។

Read More

ស្លាប់ ៦នាក់ និង ២០នាក់បាត់ខ្លួនខណៈមានភ្លៀងធ្លាក់ខ្លាំងនៅជប៉ុន​

មានមនុស្ស ៦នាក់បានស្លាប់ និង២០នាក់ទៀតបាត់ខ្លួន ខណៈមានភ្លៀងធ្លាក់ខ្លាំងនៅកោះគ្យូស៊ូ ភាគនិរតីប្រទេសជប៉ុន។
ទីភ្នាក់ងារសារព័ត៌មានចិន ស៊ិនហួ ចេញផ្សាយនៅថ្ងៃព្រហស្បតិ៍ ទី១២ ខែកក្កដា ឆ្នាំ២០១២ នេះថា មនុស្ស៥នាក់បានស្លាប់ និងបាត់ខ្លួន១៩នាក់ ក្នុងទីក្រុង អាស្សូ និង តំបន់ជុំវិញខេត្ត គូម៉ាម៉ូតូ ជាកន្លែងដែលអាចមើលឃើញ ទឹកភ្លៀងធ្លាក់កម្ពស់ពី ១០០ ទៅ១២០មីលីម៉ែត្រ។
ទីក្រុងតាគីតា បុរសម្នាក់បានរកឃើញសាកសពមួយទៀត បន្ទាប់ពីគាត់ធ្លាក់ក្នុងទឹកទន្លេ ជាពេលដែលទីក្រុងនេះកំពុង រៀបចំឲ្យមនុស្សប្រហែលជា ២៥,០០០នាក់ជម្លៀសខ្លួន ចេញពីលំនៅដ្ឋានរបស់ពួកគេដែលនៅជិតទន្លេ។​​
អាជ្ញាធរឧតុនិយមបានព្រមានថា ភ្លៀងធ្លាក់នេះអាចបណ្តាលឲ្យមានទឹកជំនន់ និងផ្ទាំងដីបាក់នៅតាមច្រាំងទន្លេ ភាគខាងលិចប្រទេសជប៉ុន ជាកន្លែងដែលអាចមើលឃើញ ទឹកភ្លៀងធ្លាក់កម្ពស់ ១០០មីលីម៉ែត្រត្រឹមព្រឹកថ្ងៃសុក្រ៕
ព័ត៌មានពីៈ មជ្ឈមណ្ឌលព័ត៌មានដើមអម្ពិល

Read More

អាមេរិក ស្វែងរកការបន្ធូរ បន្ថយភាពតានតឹង ជុំវិញជម្លោះ សមុទ្រចិនខាងត្បូង

យោងតាមគេហទំព័រសិង្ហបុរី ” Channel News Asia” ចុះផ្សាយនៅរាត្រីថ្ងៃទី០៧ ខែកក្កដា ឆ្នាំ២០១២ថា សហរដ្ឋអាមេរិក នឹងស្វែងរកការបន្ធូរបន្ថយភាពតានតឹង ជុំវិញជម្លោះនៅសមុទ្រចិនខាងត្បូង ហើយការស្វែងរកដំណោះស្រាយនេះនឹងលើកឡើង នៅក្នុងរបៀបវារៈ នៃកិច្ចប្រជុំនៅសបា្ដហ៍ក្រោយ នៅក្នុងកិច្ចប្រជុំថ្នាក់តំបន់អាស៊ាន ដែលរៀបចំឡើងដោយរាជរដ្ឋាភិបាលកម្ពុជា នៅរាជធានីភ្នំពេញ។

នៅក្នុងកិច្ចប្រជុំកំពូលអាស៊ានថ្នាក់រដ្ឋមន្ដ្រីការបរទេស នឹងមានការអញ្ជើញចូលរួមពីមន្ដ្រីជាន់ខ្ពស់ចិន ពិសេសលោកស្រី ហ៊ុលឡារី គ្លីនតុន រដ្ឋមន្ដ្រីការបរទេសសហរដ្ឋអាមេរិក នឹងដាក់បញ្ចូលបញ្ហាជម្លោះនៅសមុទ្រចិនខាងត្បូង ក្នុងរបៀបវារៈ នៃកិច្ចប្រជុំ នេះផងដែរ ។

ជុំវិញជម្លោះសមុទ្រចិនខាងត្បូង ត្រូវបានគេមើលឃើញថា ជាបញ្ហាលើដែនទឹករវាងប្រទេស ចិន និង ហ្វីលីពីន ហើយជម្លោះនេះក៏មានទាក់ទិននឹងវៀតណាម ផងដែរ ។

ការកកើតនូវជម្លោះដែនទឹកនេះ ជាការមើលឃើញនូវប្រយោជន៍លើប្រភពធនធានធម្មជាតិសម្បូរបែបនៅក្នុងតំបន់ជម្លោះ រៀងៗខ្លួននៅក្នុងដែនសមុទ្រចិនខាងត្បូងនេះ ។

តែទោះជាជម្លោះនេះ មិនត្រូវបានប្រើអំពើហឹង្សដោយចុងអាវុធ ឬប្រឈមមុខដាក់គ្នាក៏ដោយ ក្រុមអ្នកវិភាគមួយចំនួនយល់ឃើញថា ការលូកដៃចូលអន្ដរាគមន៍របស់បណ្ដាប្រទេសមហាអំណាច ពិសេស សហរដ្ឋអាមេរិក អាចនឹងត្រូវដោះស្រាយចេញតាមរយៈការផ្សះផ្សាគ្នា តែលទ្ធផលដែលសហរដ្ឋអាមេរិករំពឹងនឹងរកបាន និងលើកឡើងនៅក្នុងកិច្ចប្រជុំនៅកម្ពុជា៕

ព័ត៌មានពីៈ មជ្ឈមណ្ឌលព័ត៌មានដើមអម្ពិល

Read More

ថ្ងៃការពារសារណា

ជាការពិតណាស់រាល់និសិត្សទាំងឡាយដែលសិក្សានៅថ្នាក់ឧត្តមសិក្សានៅពេលដែលបញ្ចប់ការសិក្សារបស់ពួកគេ ត្រូវតែសរសេរសារណា និង ការពារសារណាផងដែរ។ ចំណែកឯនិសិត្សដែលរៀននៅសាលាបច្ចេកទេស ដុន បូស្កូ ក៏បានការពារសារណាពួកគេផងដែរបន្ទាប់ពីរៀនចប់ ២ឆ្នាំ។ ការការពារសារណាគឺមានរយៈពេលបីថ្ងៃ(២-4) ថ្ងៃទី១ តម្រូវលើនិសិត្សផ្នែកលេខាធិការ និង ផ្នែកទំនាក់ទំនងសង្គម និង សារព័ត៌មាន ថ្ងៃទី២ តម្រូវលើនិសិត្សផ្នែកយន្តសាស្ត្រទូទៅ និង ផ្នែកយន្តសាស្ត្ររថយន្ត ថ្ងៃទី៣ តម្រូវលើនិសិត្សផ្នែកអគ្គីសនី។

Read More